"UGC નિયમો પર CJI: નીતિ સ્પષ્ટ હોવી જોઈએ; કેન્દ્રએ આપ્યો જવાબ"
UGCના નવા નિયમો સામે દાખલ કરવામાં આવેલી અરજીઓના જવાબમાં, કેન્દ્ર સરકારે સુપ્રીમ કોર્ટમાં જણાવ્યું કે આ નિયમો પર પુનર્વિચાર કરવામાં આવી રહ્યો છે. આ માટે એક સમિતિની રચના પણ કરવામાં આવી શકે છે.
ન્યાયમૂર્તિ સૂર્ય કાંતે કહ્યું કે નીતિ એવી હોવી જોઈએ કે જેનાથી તમામ યુવાનો સંતોષ અનુભવે
સોલિસિટર જનરલ તુષાર મહેતાએ સીજેઆઈ (CJI) સૂર્ય કાંતના નેતૃત્વ હેઠળની બેન્ચને જણાવ્યું હતું કે, સરકાર આ બાબતની સમીક્ષા કરી રહી છે જેથી વિદ્યાર્થીઓની ચિંતાઓનું નિરાકરણ લાવી શકાય અને કોઈ પણ વર્ગમાં અસંતોષ કે ચિંતા ન રહે.૨૯ જાન્યુઆરીના રોજ, કોર્ટે આ નિયમો પર રોક (સ્ટે) લગાવી દીધી હતી. આ નિયમો કેમ્પસમાં જાતિ આધારિત ભેદભાવને નાબૂદ કરવાના ઉદ્દેશ્ય સાથે લાગુ કરવામાં આવ્યા હતા. કોર્ટે આ રોકનો આદેશ એવા આક્ષેપોને ધ્યાનમાં રાખીને આપ્યો હતો કે, આ નિયમોને કારણે સામાન્ય વર્ગના વિદ્યાર્થીઓ સામે ભેદભાવ ઊભો થયો હતો.
