Video: કાપડ બજારની ગીચોગીચ ગલીઓમાં આગ ફેલાતા અફરાતફરી, ફાયર વિભાગ દ્વારા આગ ઓલવવાની કામગીરી ચાલુ.

દિલ્હીના શાહદરા સ્થિત શાંતિ મોહલ્લા વિસ્તારમાં અચાનક આગ ભભૂકી ઉઠતાં સ્થાનિક લોકોમાં ભારે અફરાતફરીનો માહોલ સર્જાયો હતો. આ વિસ્તાર કાપડના બજાર માટે જાણીતો હોવાથી આગ ઝડપથી ફેલાવાની ભીતિ સર્જાઈ હતી. સદભાગ્યે ઘટનાની જાણ થતાં જ ફાયર વિભાગની અનેક ગાડીઓ સ્થળ પર દોડી આવી હતી અને ધુમાડાના ગોટા વચ્ચે આગ ઓલવવાની કામગીરી શરૂ કરી દીધી હતી. પોલીસે સમગ્ર વિસ્તારને ખાલી કરાવીને સુરક્ષા વધારી દીધી છે જેથી રાહત અને બચાવ કામગીરી ઝડપથી થઈ શકે. પ્રાથમિક રીતે આગ લાગવાનું કારણ સ્પષ્ટ થયું નથી અને ઘટનામાં કોઈ જાનહાની થઈ છે કે કેમ તેની તપાસ ચાલી રહી છે.