Video: કાશ્મીરના વારસાની ઉજવણી: શોપિયાંમાં યોજાયેલા જશ્ન-એ-હારુદ સાંસ્કૃતિક મહોત્સવમાં હજારો લોકો જોડાયા

જમ્મુ-કાશ્મીરના શોપિયાં જિલ્લામાં કાશ્મીરી સંસ્કૃતિ અને સમૃદ્ધ વારસાને બિરદાવવા માટે ભવ્ય જશ્ન-એ-હારુદ મહોત્સવનું સુંદર આયોજન કરવામાં આવ્યું હતું. આ મહોત્સવમાં કાશ્મીરની પરંપરાગત કળા, સંગીત અને લોકસંસ્કૃતિની સુંદર ઝાંખી રજૂ કરવામાં આવી હતી.આ સાંસ્કૃતિક કાર્યક્રમનો આનંદ માણવા માટે સ્થાનિક નાગરિકો સહિત હજારોની સંખ્યામાં લોકો ઉપસ્થિત રહ્યા હતા. મહોત્સવ દરમિયાન સ્થાનિક કલાકારો દ્વારા વિવિધ સાંસ્કૃતિક પ્રસ્તુતિઓ આપવામાં આવી હતી, જેણે લોકોના દિલ જીતી લીધા હતા. આ આયોજનથી કાશ્મીરના શરદ ઋતુના ઉત્સવ અને સાંસ્કૃતિક વારસાને પ્રોત્સાહન મળવાની સાથે સ્થાનિક લોકોમાં ભારે ઉત્સાહ જોવા મળ્યો હતો.