CBSEનો મોટો નિર્ણય: ધોરણ 7થી 10ના વિદ્યાર્થીઓ પર નવી થ્રી લેંગ્વેજ પોલિસી લાગુ નહીં થાય
છેલ્લું અપડેટ : 26 Jun 2026
સેન્ટ્રલ બોર્ડ ઓફ સેકન્ડરી એજ્યુકેશન (CBSE)એ થ્રી લેંગ્વેજ પોલિસી (ત્રિભાષીય ફોર્મ્યુલા) ને લઈને એક મોટો નિર્ણય લીધો છે. સીબીએસઈ દ્વારા લેવાયેલા નિર્ણય અનુસાર, હાલના સમયમાં સીબીએસઈ સંલગ્ન શાળાઓમાં 7થી 9માં ધોરણમાં ભણી રહેલા સ્ટુડન્ટ્સ પર નવી શિક્ષણ નીતિ (NEP) 2020 લાગુ થશે નહીં, અને 10માં ધોરણના સ્ટુડન્ટ્સ બે ફોરેન લેંગ્વેજ (વિદેશી ભાષાઓ) સાથે જ બોર્ડની એક્ઝામ આપી શકશે. એટલે કે, 7માંથી લઈને 10માં ધોરણ સુધીના સ્ટુડન્ટ્સ માટે હાલ પૂરતા ભાષાની પસંદગી અને પરીક્ષાને લઈને જૂના નિયમો જ ચાલુ રહેશે.
10માં ધોરણ સુધી જૂનું લેંગ્વેજ કોમ્બિનેશન લાગુ રહેશે
સમાચાર એજન્સી ANIએ સીબીએસઈના સૂત્રોને ટાંકીને જણાવ્યું છે કે, હાલના સમયમાં 7માં, 8માં અને 9માં ધોરણમાં ભણી રહેલા સ્ટુડન્ટ્સને નવી શિક્ષણ નીતિ (NEP) 2020 હેઠળ થ્રી લેંગ્વેજ પોલિસીમાંથી રાહત આપવામાં આવી છે. આ રાહતના કારણે સીબીએસઈ સંલગ્ન શાળાઓમાં 7માં, 8માં અને 9માં ધોરણમાં ભણતા એવા સ્ટુડન્ટ્સ કે જેમણે થ્રી લેંગ્વેજ પોલિસી હેઠળ બે ફોરેન લેંગ્વેજ પસંદ કરી છે, તેઓ 10માં ધોરણ સુધી તે જ ભાષાઓ સાથે પોતાનો અભ્યાસ ચાલુ રાખી શકે છે.
ધોરણ 6ના સ્ટુડન્ટ્સ પર જ લાગુ થશે નવો થ્રી લેંગ્વેજ ફોર્મ્યુલા
સમાચાર એજન્સી ANIએ સીબીએસઈના સૂત્રોના હવાલાથી દાવો કર્યો છે કે, નવી શિક્ષણ નીતિ (NEP) 2020 હેઠળ અમલમાં આવનારો નવો થ્રી લેંગ્વેજ ફોર્મ્યુલા, જેમાં ઓછામાં ઓછી બે ભારતીય ભાષાઓ ભણવાનું ફરજિયાત કરવામાં આવ્યું છે, તે માત્ર છઠ્ઠા ધોરણમાં એડમિશન લેનારા સ્ટુડન્ટ્સ પર જ લાગુ થશે. જેમ-જેમ આ ધોરણ આગળ વધશે (એટલે કે વિદ્યાર્થીઓ આગળના ધોરણમાં જશે), તેમ-તેમ તેઓ આ જ લેંગ્વેજ કોમ્બિનેશન સાથે પોતાનો અભ્યાસ ચાલુ રાખી શકશે. ટૂંકમાં કહીએ તો, સીબીએસઈએ નવી થ્રી લેંગ્વેજ પોલિસીમાંથી અત્યારે 7માં, 8માં, 9માં અને 10માં ધોરણમાં ભણી રહેલા વિદ્યાર્થીઓને મોટી રાહત આપી છે.
