આતિશી પહેલા આ મહિલાઓ સંભાળી ચૂક્યા છે રાજધાનીની કમાન, એક તો ફક્ત 52 દિવસ માટે રહ્યા હતા CM

આમ આદમી પાર્ટીની ધારાસભ્ય દળની બેઠકમાં આતિશીને દિલ્હીના નવા મુખ્યમંત્રી તરીકે પસંદ કરવામાં આવ્યા છે. તેઓ દિલ્હીની ત્રીજી મહિલા મુખ્યમંત્રી હશે, તેમના પહેલા ભાજપમાંથી સુષ્મા સ્વરાજ અને કોંગ્રેસમાંથી શીલા દીક્ષિત દિલ્હીના મુખ્યમંત્રી રહી ચૂક્યા છે. જેમાંથી સુષ્મા સ્વરાજ તો ફક્ત 52 દિવસ માટે જ મુખ્યમંત્રી રહ્યા હતા. 

દિલ્હીની કાલકાજી સીટ પરથી પહેલીવાર ધારાસભ્ય બનેલા આતિશી કેજરીવાલ સરકારમાં મોટાભાગના વિભાગો સંભાળતા હતા. તેઓ અરવિંદ કેજરીવાલના નજીકના લોકોમાંથી એક માનવામાં આવે છે. જ્યારથી કેજરીવાલે રાજીનામાની જાહેરાત કરી હતી ત્યારથી એવી અટકળો ચાલી રહી હતી કે આતિશીને દિલ્હીના આગામી મુખ્યમંત્રી બનાવવામાં આવી શકે છે. હવે આ અંગે ઔપચારિક જાહેરાત પણ કરવામાં આવી છે. AAP ધારાસભ્ય દળની બેઠકમાં આતિશીને આગામી મુખ્યમંત્રી તરીકે પસંદ કરવામાં આવ્યા છે.

તેઓ અણ્ણા આંદોલનના સમયથી સંગઠનમાં સક્રિય છે. કેજરીવાલ જ્યારથી જેલમાં ગયા છે ત્યારથી તેઓ પાર્ટીથી લઈને સરકાર સુધી મોરચો સંભાળી રહ્યા છે. તે પંજાબી રાજપૂત પરિવારના છે અને ઓક્સફોર્ડ યુનિવર્સિટીમાંથી ગ્રેજ્યુએટ છે. મુખ્યમંત્રીના સંબંધમાં જે અન્ય નામોની ચર્ચા થઈ રહી હતી તેમાં કૈલાશ ગેહલોત, ગોપાલ રાય અને સૌરભ ભારદ્વાજના નામ સામેલ હતા.