મોદી સરકાર 3.0માં મંત્રાલયોની ફાળવણી, શિવરાજ ચૌહાણને મળ્યા 2 મંત્રાલય, જુઓ કોને ક્યુ મંત્રાયલ મળ્યું

મોદી સરકાર 3.0 ના શપથ લીધા બાદ હવે કેબિનેટ ખાતા ફાળવી દેવામાં આવ્યા છે. તમને જણાવી દઈએ કે મોદી 3.0 કેબિનેટમાં સામેલ કુલ કેબિનેટ મંત્રીઓમાંથી 25 ભાજપના છે અને 5 મંત્રી પદ સહયોગી પાર્ટીઓને આપવામાં આવ્યા છે. આ સાથે જ 5 સાંસદોને સ્વતંત્ર પ્રભાર સાથે રાજ્યકક્ષાના મંત્રી બનાવવામાં આવ્યા છે. જેમાં ભાજપમાંથી ત્રણ, જયંત ચૌધરીના રૂપમાં આરએલડીમાંથી એક અને પ્રતાપરાવ જાધવના રૂપમાં શિવસેનામાંથી એકનો સમાવેશ કરવામાં આવ્યો છે.

જુઓ ખાતા ફાળવણીની યાદી:

મોદી સરકારની કેબિનેટ બેઠકમાં મંત્રાલયોની વહેંચણી કરવામાં આવી છે. અમિત શાહને ફરીથી ગૃહ મંત્રાલય, રાજનાથ સિંહને સંરક્ષણ મંત્રાલય અને નીતિન ગડકરીને રોડ ટ્રાન્સપોર્ટ અને હાઈવે મંત્રાલય આપવામાં આવ્યું છે. આ સાથે જ એસ જયશંકરને વિદેશ મંત્રાલય આપવામાં આવ્યું છે. આનો મતલબ એ છે કે અગાઉની સરકારમાં આ નેતાઓ પાસે જે મંત્રાલયો હતા તેનું પુનરાવર્તન થયું છે. નિર્મલા સીતારમણને ફરી નાણાં મંત્રાલયની જવાબદારી સોંપવામાં આવી છે.

મોદી 3.0માં નીતિન ગડકરીને રોડ ટ્રાન્સપોર્ટ મિનિસ્ટર પણ બનાવવામાં આવ્યા છે. તેમની સાથે આ મંત્રાલય માટે બે રાજ્ય મંત્રી બનાવવામાં આવ્યા છે. જેમાં એક અજય તમટા અને એક હર્ષ મલ્હોત્રાનો સમાવેશ થાય છે.

સીઆર પાટીલને જલ શક્તિ વિભાગ આપવામાં આવ્યો છે. જ્યારે ધર્મેન્દ્ર પ્રધાનને શિક્ષણ વિભાગની જવાબદારી સોંપવામાં આવી છે. જેડીએસના કુમારસ્વામીને ભારે ઉદ્યોગ અને સ્ટીલ મંત્રી બનાવવામાં આવ્યા છે.

લખનૌથી સતત સાંસદ બની રહેલા ભાજપના વરિષ્ઠ નેતા રાજનાથ સિંહને ફરી એકવાર સંરક્ષણ વિભાગની જવાબદારી સોંપવામાં આવી છે.

મનોહર લાલ ખટ્ટરને ઉર્જા મંત્રાલય આપવામાં આવ્યું છે. આ સાથે તેમને શહેરી વિકાસ મંત્રાલયની જવાબદારી સોંપવામાં આવી છે. ખટ્ટર હરિયાણાના પૂર્વ સીએમ છે અને પહેલીવાર લોકસભા ચૂંટણી લડીને જીત્યા છે. શ્રીપદ નાઈકને આ વિભાગોના રાજ્યકક્ષાના મંત્રી તરીકે નિયુક્ત કરવામાં આવ્યા છે.

મધ્યપ્રદેશના પૂર્વ મુખ્યમંત્રી શિવરાજ સિંહ ચૌહાણને કૃષિ અને ખેડૂત કલ્યાણ અને પંચાયત અને ગ્રામીણ વિકાસ મંત્રાલયની જવાબદારી સોંપવામાં આવી છે.

હિન્દુસ્તાન અવમ મોરચાના એકમાત્ર સાંસદ અને મોદી કેબિનેટના સૌથી વરિષ્ઠ સભ્ય (79) જીતન રામ માંઝીને સૂક્ષ્મ, લઘુ અને મધ્યમ ઉદ્યોગ મંત્રાલયની જવાબદારી સોંપવામાં આવી છે. શોભા કરંદલાજેને આ વિભાગમાં રાજ્યકક્ષાના મંત્રી બનાવવામાં આવ્યા છે.

X પર જુઓ

મનોહર લાલ ખટ્ટરને ઉર્જા અને શહેરી વિકાસ મંત્રાલય

મનોહર લાલ ખટ્ટરને ઉર્જા મંત્રાલય આપવામાં આવ્યું છે. આ સાથે તેમને શહેરી વિકાસ મંત્રાલયની જવાબદારી સોંપવામાં આવી છે. ખટ્ટર હરિયાણાના પૂર્વ સીએમ છે અને પહેલીવાર લોકસભા ચૂંટણી લડીને જીત્યા છે.

કેબિનેટની બેઠકમાં મંત્રીઓને વિભાગોની વહેંચણી શરૂ