જાનૈયાઓ ભરેલી ટ્રેક્ટર-ટ્રોલી મધ્ય પ્રદેશના રાજગઢમાં પલટી, 15 લોકોના મોત
મધ્યપ્રદેશના રાજગઢ જિલ્લાના પિપલોડી ગામમાં રવિવારે મોડી રાત્રે ટ્રેક્ટર
મધ્યપ્રદેશના રાજગઢ જિલ્લાના પિપલોડી ગામમાં રવિવારે મોડી રાત્રે ટ્રેક્ટર-ટ્રોલી પલટી જતાં ચાર બાળકો સહિત 15 લોકોના મોત થયા હતા. આ દરમિયાન અન્ય 15 લોકો ઘાયલ થયા હતા. એક અધિકારીએ આ માહિતી આપી. રાજગઢ જિલ્લા મેજિસ્ટ્રેટ હર્ષ દીક્ષિતે જણાવ્યું કે ઘાયલોમાંથી 13 લોકોને જિલ્લા હોસ્પિટલમાં દાખલ કરવામાં આવ્યા છે. તમામ ઘાયલોને 6 થી 7 એમ્બ્યુલન્સની મદદથી રાજગઢની જિલ્લા હોસ્પિટલમાં લાવવામાં આવ્યા હતા. માથા અને છાતીમાં ઇજાના કારણે બે લોકોને સારી સારવાર માટે ભોપાલ મોકલવામાં આવ્યા છે.
15 લોકો ઘાયલ થયા હતા
રાત્રે જિલ્લા મેજિસ્ટ્રેટે માહિતી આપી હતી કે અકસ્માતમાં 13 લોકોના મોત થયા છે. મોડી રાત્રે આંકડો વધીને 15 થયો હતો. જો કે, જિલ્લા મેજિસ્ટ્રેટ હર્ષ દીક્ષિતે જણાવ્યું હતું કે, "મૃતકોની સંખ્યા વધવાની અપેક્ષા નથી કારણ કે બે ગંભીર રીતે ઘાયલ લોકોની હાલત ખતરાની બહાર છે." જાનૈયાઓ પાડોશી રાજ્ય રાજસ્થાનના મોતીપુરા ગામમાંથી આવીરહ્યા હતા અને કુલમપુર જઈ રહ્યા હતા. તેમણે કહ્યું કે જિલ્લા મેજિસ્ટ્રેટ અને પોલીસ અધિક્ષક સહિત વરિષ્ઠ અધિકારીઓ અકસ્માત સ્થળે હાજર છે.
મોડી રાત્રે આંકડો વધીને 15 થયો
ડીએમએ કહ્યું કે સીએમ મોહન યાદવના આદેશ હેઠળ ઘાયલોને યોગ્ય સારવાર આપવામાં આવી રહી છે અને તમામ શક્ય મદદ પૂરી પાડવામાં આવી રહી છે.
