વિચિત્ર ઘટના! 15 વર્ષની છોકરી 12 વર્ષના છોકરાને સાથે લઈ ભાગી ગઈ

નોઈડામાં 15 વર્ષની છોકરીએ પરિવાર અને પોલીસના નાકે દમ લાવી દીધો છે. તે ત્રણ વખત ઘરેથી ભાગી ચૂકી છે. બીજી વખત તે પાડોશીના 12 વર્ષના દીકરા સાથે ભાગી ગઈ છે.  બે વખત પોલીસ તેને શોધીને ઘરે પરત લાવી હતી. હવે જ્યારે પરિવાર શહેર છોડવાનો હતો ત્યારે તે ફરી એકવાર ગુસ્સે થઈ ગઈ અને ઘર છોડીને ભગી ગઈ છે. સાથે પડોશીનો 12 વર્ષનો છોકરો પણ ગુમ છે.

મામલો નોઈડાના સેક્ટર 58 સ્થિત બિશનપુરા ગામનો છે. સગીર છોકરી મંગળવારે સાંજે ઘરેથી ભાગી ગઈ હતી જ્યારે પરિવાર તેમની પુત્રીની ખરાબ આદતોને કારણે નોઈડા છોડીને બિહાર જવાની તૈયારી કરી રહ્યો હતો. તેના પિતા ઓટો લેવા માટે બહાર ગયા હતા અને તેની માતા અને નાની બહેનને ભરમાવીને ગાયબ થઈ ગઈ હતી. બે વખત યુવતીને શોધીને ઘરે મૂકી ગયેલી પોલીસ ફરી એકવાર તેણે શોધવામાં વ્યસ્ત બની છે. 

મૂળ બિહારના દરભંગા જિલ્લાની પીડિતાએ જણાવ્યું કે તેને બે દીકરીઓ છે. મોટી દીકરી 15 વર્ષની અને નાની દીકરી 12 વર્ષની છે. લગભગ 4 વર્ષ પહેલા તે પોતાની દીકરીઓને ભણાવવા નોઈડા આવ્યો હતો. બિશનપુરામાં ભાડે રૂમ લીધો હતો. પતિ-પત્ની ખાનગી કંપનીમાં નોકરી કરીને દીકરીઓને ભણાવતા હતા. પિતાએ જણાવ્યું કે ફેબ્રુઆરી 2024માં મોટી દીકરી પડોશમાં રહેતી વધુ બે સગીર છોકરીઓને સાથે લઈ ગઈ. પોલીસે લગભગ એક અઠવાડિયા પછી તેમને વૃંદાવનમાંથી શોધીને પાછી લાવ્યા હતા. તે ઘરેથી 50 હજાર રૂપિયા પણ લઈ ગઈ હતી. જયપુરમાં ફર્યા બાદ તે વૃંદાવન પહોંચી હતી. 

પોલીસના જણાવ્યા અનુસાર, યુવતી લગભગ 15 દિવસ પહેલા પડોશમાં રહેતા 12 વર્ષના છોકરા સાથે ગુમ થઈ ગઈ હતી. ઘણા પ્રયત્નો પછી તે મળી આવી હતી. પિતાએ પોલીસને જણાવ્યું કે દીકરીની હરકતોથી કંટાળીને તેમણે નોઇડા છોડવાનો નિર્ણય કર્યો છે. તેઓ મંગળવારે સાંજે પરિવાર સાથે દરભંગા જવા રવાના થવાના હતા. તે ઓટો લેવા માટે બહાર ગયા.  પત્ની અને નાની પુત્રી ઘરવખરીનો સામાન પેક કરી રહ્યા હતા ત્યારે મોટી પુત્રી ચકમો આપી ફરી એકવાર ઘરેથી ભાગી ગઈ હતી. આરોપ છે કે પાડોશમાં રહેતો 12 વર્ષનો કિશોર પણ ગુમ છે. આ વખતે તે કિશોરને પણ પોતાની સાથે લઈ ગયો હોવાની આશંકા છે. એડીસીપી મનીષ કુમાર મિશ્રાનું કહેવું છે કે યુવતીને શોધ માટે એક ટીમ બનાવવામાં આવી છે. બાળકી જલ્દી જ પરત મળી જશે.