Jammu Kashmir Election 2024: ભાજપની છઠ્ઠી યાદી જાહેર, 5 મુસ્લિમ ઉમેદવારોને આપી તક

ભાજપે જમ્મુ-કાશ્મીર વિધાનસભા ચૂંટણી માટે ઉમેદવારોની છઠ્ઠી યાદી જાહેર કરી છે. છઠ્ઠી યાદીમાં 10 ઉમેદવારોના નામ જાહેર કરવામાં આવ્યા છે. ભાજપે ઉધમપુર પૂર્વથી આર. એસ. પઠાણીયાને ટિકિટ આપવામાં આવી છે. આ પહેલા ભાજપે ઉમેદવારોની પાંચ યાદી જાહેર કરી છે.

આ ઉમેદવારોને ટિકિટ મળી 

ભાજપની છઠ્ઠી યાદીમાં પાંચ મુસ્લિમ ઉમેદવારો છે. જેમાં કરનાહથી ઇદ્રિસ કર્નાહી, હંદવાડાથી ગુલામ મોહમ્મદ મીર, સોનાવારીથી અબિદુલ રાશિદ ખાન, બાંદીપોરાથી નસીર અહેમદ લોન અને ગુરેઝ (SC)થી ફકીર મોહમ્મદ ખાનને મેદાનમાં ઉતારવામાં આવ્યા છે.

શુક્રવારે જ બીજેપીએ જમ્મુ-કાશ્મીર વિધાનસભા ચૂંટણીને લઈને પોતાનો રિઝોલ્યુશન લેટર જાહેર કર્યો હતો. પાર્ટીનો ઠરાવ પત્ર કેન્દ્રીય ગૃહ પ્રધાન અમિત શાહ દ્વારા બહાર પાડવામાં આવ્યો હતો. તેમણે કહ્યું કે આઝાદીના સમયથી જમ્મુ-કાશ્મીરનો વિસ્તાર અમારી પાર્ટી માટે મહત્વપૂર્ણ રહ્યો છે. અમે તેને કનેક્ટ રાખવા માટે ઘણા પ્રયત્નો કર્યા છે. તેમણે કહ્યું કે કલમ 370 ઈતિહાસ બની ગઈ છે, તે ક્યારેય પાછી ના આવી શકે. કારણ કે આ એ વિચારધારા હતી જેણે યુવાનોના હાથમાં પથ્થર મુક્યા હતા.