રાહુલ ગાંધીની આગેવાનીમાં 300 સાંસદોની વોટ ચોરી વિરુદ્ધ સંસદથી ચૂંટણીપંચ સુધી કૂચ

I.N.D.I.A Alliance March : આજે રાહુલ ગાંધીના નેતૃત્વમાં સંસદ ભવનથી ચૂંટણી પંચના કાર્યાલય સુધી કૂચ યોજવામાં આવશે. બધા સાંસદો ચૂંટણી પંચના કાર્યાલય સુધી ચાલીને જવાના છે. ખરેખર થોડા દિવસ પહેલા સુધી, I.N.D.I.A ગઠબંધન સતત બિહારમાં ચાલી રહેલી SIR પ્રક્રિયા સામે દેખાવ કરી રહ્યું હતું. જોકે આજના દેખાવ અને કૂચ વોટ ચોરીને લઈને ચૂંટણી પંચ સામે હશે. 

આ પણ વાંચો :

રાહુલ ગાંધીના આક્ષેપોને પાયાવિહોણા ગણાવતું ચૂંટણી પંચ, કહ્યું- 'વિપક્ષ નેતા જૂની બોટલમાં નવો દારૂ...'

'વોટ ચોરી'ની ફરિયાદ માટે વેબસાઇટ અને મિસ્ડ કોલ નંબર,ચૂંટણી પંચ સામે રાહુલ ગાંધીએ શરૂ કર્યું નવું અભિયાન

અહેવાલો અનુસાર, મલ્લિકાર્જુન ખડગે, અભિષેક બેનર્જી અને અખિલેશ યાદવ પણ આ કૂચમાં રાહુલ ગાંધી સાથે જોડાશે. આ કૂચમાં લગભગ 300 સાંસદો સામેલ થશે તેવું  કહેવાય છે.

કૂચ સવારે 11:30 વાગ્યે શરૂ થશે

મીડિયા અહેવાલો અનુસાર, લગભગ 25 પક્ષોના 300 સાંસદો આ કૂચમાં ભાગ લેશે. મલ્લિકાર્જુન ખડગેએ આ સાંસદોને સાંજે રાત્રિભોજન માટે આમંત્રણ પણ આપ્યું છે. RJD, TMC અને DMK પક્ષોના ઘણા મોટા નેતાઓ તેમાં જોડાઈ શકે છે. આ કૂચ સવારે 11:30 વાગ્યે શરૂ થશે, જે સંસદ ભવનથી ચૂંટણી પંચના કાર્યાલય સુધી ચાલુ રહેશે. મીડિયા રિપોર્ટ્સમાં એવું કહેવામાં આવી રહ્યું છે કે દિલ્હી પોલીસને આ કૂચ વિશે કોઈ જાણ કરવામાં આવી નથી કે તેના માટે કોઈ પરવાનગી પણ લેવાઈ નથી.