મણિપુરમાં ફરી હિંસા, ઉગ્રવાદીઓએ કર્યો અંધાધૂંધ ગોળીબાર, 2ના મોત
છેલ્લું અપડેટ : 27 Sept 2026
મણિપુરમાં છેલ્લાં એક-બે વર્ષથી હિંસાનો દોર જોવા મળી રહ્યો છે ત્યારે તાજેતરમાં સેનાપતિ જિલ્લામાં ઉગ્રવાદીઓએ નાગા સમુદાયને નિશાન બનાવતા અંધાધૂંધ ગોળીબાર કર્યો હતો. આ હુમલામાં બે લોકોએ જીવ ગુમાવ્યા. હુમલો નાગા બહુમતી ધરાવતા કાલાજાન ગામમાં કરાયો હતો. પહેલા અધિકારીઓએ આ ઘટના કાંગપોકપી જિલ્લામાં બની હોવાની જાણકારી હતી.
મુખ્યમંત્રી વાય.ખેમચંદ સિંહે આ હિંસક ઘટનાને કાયરતાપૂર્ણ કૃત્ય ગણાવ્યું હતું તો સામે પૂર્વ મુખ્યમંત્રી એન.બિરેન સિંહે આ હત્યાઓની ટીકા કરતા કાયદો વ્યવસ્થા સામે જ સવાલો ઊભા કરતાં કહ્યું કે ચાલુ વર્ષે 9 મહિનામાં 60 થી વધુ લોકોની હત્યા કરી દેવામાં આવી છે. તાજેતરમાં બે લોકો રાંકી અને પૌમાઈ જે રીતે હત્યા કરાઈ છે તે ચિંતાની વાત છે.
હથિયારધારી ઉગ્રવાદીઓ લોકોના ઘરોમાં ઘૂસી રહ્યા છે અને તેમને ઊંઘમાં જ ગોળી ધરબી દીધી. આપણે ક્યાં સુધી આ રીતે જ લાશો ગણતા રહીશું. જવાબદાર લોકો જવાબદારી લે અને બગડતી કાયદો વ્યવસ્થાને કાબૂમાં લાવે.
