VIDEO: નવસારીમાં વીજળીના કડાકા ભડાકા અને તોફાની પવન સાથે મેઘરાજાની ધમાકેદાર પધરામણી

નવસારીમાં હવામાન વિભાગની આગાહી મુજબ આજે વહેલી સવારે વીજળીના કડાકા ભડાકા અને તોફાની પવન સાથે મેઘરાજાની ધમાકેદાર પધરામણી થઈ હતી. સોમવાર સાંજથી અનુભવાતા અસહ્ય ઉકળાટ અને બફારા બાદ પડેલા આ ધોધમાર વરસાદથી વાતાવરણમાં ઠંડક પ્રસરી છે અને લોકોને ગરમીથી મોટી રાહત મળી છે. જોકે, ભારે પવનને કારણે શહેરના અનેક વિસ્તારોમાં વીજળી ગૂલ થઈ ગઈ હતી. જૂન મહિનાની શરૂઆતમાં જ વરસાદ વરસતા ખેડૂતોમાં ખુશીની લહેર જોવા મળી છે, પરંતુ બીજી તરફ તૈયાર કેરીના પાકને નુકસાન થવાની ભીતિ સેવાઈ રહી છે.