VIDEO : અમદાવાદના કૃષ્ણનગરમાં થયેલી લાખોની લૂંટનો ભેદ ઉકેલાયો, મુખ્ય સૂત્રધાર મહિલા ઝડપાઈ

અમદાવાદના કૃષ્ણનગર વિસ્તારમાં તાજેતરમાં થયેલી ચકચારી લૂંટનો ભેદ ઉકેલવામાં પોલીસને મોટી સફળતા મળી છે. ઝોન-૫ એલસીબી (LCB) અને કૃષ્ણનગર પોલીસે સંયુક્ત ઓપરેશન હાથ ધરીને આ ગુનામાં સંડોવાયેલી એક મુખ્ય મહિલા આરોપીની ધરપકડ કરી છે. પોલીસની પ્રાથમિક તપાસમાં બહાર આવ્યું છે કે પકડાયેલી મહિલા જ આ આખી લૂંટની મુખ્ય સૂત્રધાર છે. પોલીસે કડક પૂછપરછ કરીને મહિલા પાસેથી લૂંટાયેલો રૂપિયા ૨૫ લાખનો મુદ્દામાલ સફળતાપૂર્વક રિકવર કરી લીધો છે. જો કે, આ ગુનામાં સંડોવાયેલા અન્ય બેથી વધુ આરોપીઓ હજુ પણ પોલીસ પકડથી દૂર છે અને ફરાર છે. પોલીસે ફરાર આરોપીઓને ઝડપી પાડવા માટે અલગ-અલગ ટીમો બનાવીને ચક્રો ગતિમાન કર્યા છે અને આગળની કાયદેસરની કાર્યવાહી હાથ ધરી છે