VIDEO: બટુક ભોજન બાદ ૩૦થી વધારે બાળકોને ફૂડ પોઈઝનિંગની ગંભીર અસર

ભુજના માધાપર સ્થિત ઐશ્વર્યાનગરમાં બટુક ભોજન બાદ ૩૦થી વધારે બાળકોને ફૂડ પોઈઝનિંગની ગંભીર અસર થતાં ચકચાર મચી ગઈ છે. અંદાજે ૩થી ૧૩ વર્ષની ઉંમરના આ બાળકોને મધરાતે તાત્કાલિક હોસ્પિટલમાં ખસેડવામાં આવ્યા હતા.મળતી માહિતી મુજબ, ભોજનમાં દાળ-ભાત, સેવ-બુંદી અને છાશ આરોગ્યા બાદ બાળકોને અચાનક ઊલટી-ચક્કર થવાની શરૂઆત થઈ હતી. પ્રાથમિક અનુમાન મુજબ છાશ પીવાના કારણે બાળકોની તબિયત બગડી હોવાનું માનવામાં આવે છે. ઘટનાની ગંભીરતાને જોતાં આરોગ્ય વિભાગની ટીમ દ્વારા અસરગ્રસ્ત વિસ્તારમાં તાત્કાલિક ડોર-ટુ-ડોર સર્વે હાથ ધરવામાં આવ્યો છે. રાહતની વાત એ છે કે હાલ તમામ બાળકોની સ્થિતિ સ્થિર હોવાનું તબીબોએ જણાવ્યું છે.