VIDEO: વિદ્યાર્થીનીના મોત બાદ આક્રોશ, પરિવારજનોએ રસ્તા પર ઉતરી વિરોધ નોંધાવ્યો

હળવદના જુના દેવળીયા ગામ પાસે ગમખ્વાર અકસ્માતમાં વિદ્યાર્થીનીના મોત બાદ પરિવારજનોમાં ભારે આક્રોશ જોવા મળી રહ્યો છે. ગઈકાલે શાળાએથી પરત ફરી રહેલી 4 વિદ્યાર્થીનીઓને બેફામ બુલેટ ચલાવતા અજાણ્યા શખ્સોએ અડફેટે લીધી હતી. આ કરુણ અકસ્માતમાં એક વિદ્યાર્થીનીનું કમનસીબ મોત નીપજ્યું છે.ઘટનાના વિરોધમાં આજે પરિવારજનો અને ગ્રામજનોએ ચરાડવા-દેવળીયા રોડ પર ટ્રાફિક જામ કરી વિરોધ નોંધાવ્યો હતો. આક્રોશિત લોકોએ માગણી કરી છે કે, રસ્તાઓ પર બુલેટ વડે સ્ટંટ અને સીન-સપાટા કરતા આવારા તત્વો સામે પોલીસ તંત્ર દ્વારા કડક કાર્યવાહી કરવામાં આવે. ઘટનાને પગલે સ્થાનિક પોલીસ કાફલો દોડી ગયો છે અને રોષે ભરાયેલા લોકોને સમજાવવાનો પ્રયાસ હાથ ધર્યો છે.