VIDEO: અંબાજી ભાદરવી મહાકુંભમાં બનાસકાંઠા SPની પદયાત્રા, 'જય અંબે'ના નાદ સાથે પોતાની ટીમ સાથે મંદિર પહોંચ્યા

બનાસકાંઠાના યાત્રાધામ અંબાજી ખાતે ભાદરવી પૂનમ મહાકુંભનો પાંચ દિવસીય મહોત્સવ શાંતિપૂર્ણ રીતે પરિપૂર્ણ થયો. આ મહાકુંભ દરમિયાન લાખો ભક્તો માં અંબાના દર્શન માટે ઉમટ્યા હતા. આ વર્ષે ખાસ આકર્ષણ બનાસકાંઠા જિલ્લા પોલીસ અધિક્ષક (એસપી) પ્રશાંત સુમ્બેની પદયાત્રા રહી, જેમાં તેઓ પોલીસ અધિકારીઓ અને કોન્સ્ટેબલો સાથે જોડાયા હતા. દાંતા રોડના સિંહ દ્વારથી શરૂ થયેલી આ પદયાત્રા ‘જય જય અંબે, બોલ મારી અંબે’ના નાદ સાથે મંદિર સુધી પહોંચી હતી. 

આ પદયાત્રા દર વર્ષે યોજાય છે, જેમાં પોલીસ દળ ભક્તિ અને સુરક્ષાના સંદેશ સાથે સામેલ થાય છે. આ વખતે પણ એસપી પ્રશાંત સુમ્બેની આગેવાનીમાં પોલીસ ટીમે ભક્તોની સુરક્ષા અને મેળાની શાંતિ જાળવવા પ્રાર્થના કરી. મહાકુંભ દરમિયાન ભક્તોની સલામતી માટે 5000થી વધુ પોલીસ કર્મચારીઓ ખડેપગે તૈનાત હતા.