VIDEO: સુરેન્દ્રનગર મેડિકલ કોલેજમાં હુમલો કરનાર આરોપીઓનું પોલીસે કરાવ્યું રીકન્સ્ટ્રક્શન

સુરેન્દ્રનગરની મેડિકલ કોલેજ હોસ્પિટલમાં દાખલ દર્દીના સગા પર સામાન્ય બોલાચાલી બાદ છરીના ઘા ઝીંકી હત્યાનો પ્રયાસ કરાયો હતો. આ મામલે કડક વલણ અપનાવી સુરેન્દ્રનગર પોલીસે હુમલો કરનાર બંને રીઢા ગુનેગારો હિતેશ કોડિયા અને અજીત મકવાણાને ઝડપી લીધા હતા. કાયદો અને વ્યવસ્થાની સ્થિતિ કથળાવનારા આ તત્વોને ભાન કરાવવા માટે પોલીસે ઘટનાસ્થળે લઈ જઈ ગુનાનું રીકન્સ્ટ્રક્શન કરાવ્યું હતું. પોલીસ તપાસમાં સામે આવ્યું છે કે પકડાયેલા આ બંને ઇસમો સામે અગાઉ અલગ-અલગ પોલીસ સ્ટેશનોમાં ૨૦થી વધુ ગુનાઓ નોંધાઈ ચૂકેલા છે.