Ahmedabad: શિક્ષાપત્રીના 200 વર્ષની ઉજવણી નિમિત્તે કાલુપુર સ્થિત સ્વામીનારાયણ મંદિર દ્વારા પેઇન્ટિંગ સ્પર્ધા યોજાઈ

સ્વામીનારાયણ શિક્ષાપત્રીને 200 વર્ષ પૂર્ણ થવાના ઐતિહાસિક અવસર પર અમદાવાદના કાલુપુર સ્થિત સ્વામીનારાયણ મંદિર દ્વારા વિશેષ ઉજવણી કરવામાં આવી રહી છે. આ 'સામૈયા'ના ઉપલક્ષમાં આજે મંદિરના પ્રાંગણમાં એક ભવ્ય પેઈન્ટિંગ સ્પર્ધાનું આયોજન કરવામાં આવ્યું હતું.

સ્વામીનારાયણ સંસ્થા હંમેશા કલા, સાહિત્ય અને સંસ્કૃતિને પ્રોત્સાહન આપતી રહી છે. આ પરંપરાને જાળવી રાખતા, આજે આયોજિત સ્પર્ધામાં અમદાવાદ સહિત રાજ્યના વિવિધ વિસ્તારોમાંથી આશરે 200 જેટલા ચિત્રકારોએ ભાગ લીધો હતો. ચિત્રકારોએ મંદિરના પ્રાંગણમાં બેસીને મંદિરના હેરીટેજ વારસાના વિવિધ ચિત્રો બનાવ્યા હતા. આ અવસરે વિજેતાઓને મંદિર તરફથી ભેટ આપવામા આવશે.