VIDEO: સુરેન્દ્રનગર જિલ્લામાં PGVCLના મોટા પાયે દરોડા, 14 SRPની ટીમના ચુસ્ત બંદોબસ્ત વચ્ચે વીજ ચેકિંગ
છેલ્લું અપડેટ : 05 Dec 2025
સોર્સ : GSTV
રાજ્યના સુરેન્દ્રનગર જિલ્લામાંથી ખાસ અહેવાલ સામે આવ્યા છે. સુરેન્દ્રનગર જિલ્લામાં ખનીજ ચોરી માટે થાનગઢ, ચોટીલા અને મૂળી તાલુકામાં PGVCLએ સપાટો બોલાવ્યો છે. જિલ્લામાં ૨૫% જેટલો વીજલોસ નોંધાતા કલેક્ટરના આદેશ બાદ આ મેગા ડ્રાઈવ હાથ ધરવામાં આવી હતી.
ઇલેક્ટ્રિક TC ઉભા કરીને વીજચોરી કરાતી હોવાનું સામે આવ્યું
ખનીજ માફિયાઓ દ્વારા ગેરકાયદેસર ઇલેક્ટ્રિક TC ઉભા કરીને વીજચોરી કરાતી હોવાનું સામે આવ્યું હતું. આ ઓપરેશનમાં ૧૪ SRP ટીમોના ચુસ્ત બંદોબસ્ત સાથે વીજ તંત્રએ ૪૪૫ કનેક્શનનું ચેકિંગ કર્યું હતું. ૧૦૩ કનેક્શનમાં ગંભીર ગેરરીતિઓ ઝડપાઈ છે. તંત્ર દ્વારા કુલ ૭૯.૫૨ લાખ રૂપિયાનો મસમોટો દંડ ફટકારવામાં આવતા વીજચોરો અને ખનીજ માફિયાઓમાં ફફડાટ ફેલાયો છે.
