VIDEO: ટ્રકની હડફેટે આવતા ૨૧ વર્ષીય યુવકનું કરૂણ મોત
છેલ્લું અપડેટ : 08 Jul 2026
સોર્સ : gstv
સુરેન્દ્રનગરના વસ્તડી હાઈવે પર એક અકસ્માતની ઘટના સામે આવી છે. પુરપાટ ઝડપે આવી રહેલા એક ટ્રક ચાલકે બાઇક સવાર યુવકને જોરદાર ટક્કર મારતા ઘટનાસ્થળે જ યુવકનું મોત નીપજ્યું હતું. મૃતક યુવકની ઓળખ પાણશીણા ગામના ૨૧ વર્ષીય મહેન્દ્ર ગજેન્દ્રસિંહ પરમાર તરીકે થઈ છે.આ સમગ્ર અકસ્માતના લાઈવ સીસીટીવી ફૂટેજ પણ સામે આવ્યા છે...અકસ્માત બાદ ટ્રક ચાલક વાહન મૂકીને ફરાર થઈ ગયો છે. હાલ જોરાવરનગર પોલીસે ગુનો નોંધી વધુ તપાસ હાથ ધરી છે અને મૃતદેહને પી.એમ. માટે ખસેડવામાં આવ્યો છે. હાઈવે પર સતત વધી રહેલા આવા અકસ્માતોએ ફરી એકવાર નાના વાહનચાલકોની સુરક્ષા સામે સવાલ ઉભા કર્યા છે.
