VIDEO: Surendranagarમાં ખનિજ માફિયાઓ બેફામ, સમઢીયાળામાં ગેરકાયદેસર રીતે ધમધમી રહ્યા છે રેતીના વોશ પ્લાન્ટ
છેલ્લું અપડેટ : 18 Mar 2026
સોર્સ : GSTV
સુરેન્દ્રનગરમાં ફરી એકવાર ખનિજ માફિયાઓએ માથું ઊંચક્યું છે. સુરેન્દ્રનગર જિલ્લાના ચુડા તાલુકાના સમઢીયાળા ગામે ગેરકાયદેસર રીતે રેતીના વોશપ્લાન્ટ ઉભા કરી દેવામાં આવ્યા હોવાની ચોંકાવનારી વિગતો સામે આવી છે. નવાઈની વાત તો એ છે કે, આટલી મોટી ગેરકાયદે પ્રવૃત્તિ છતાં ખાણ-ખનિજ વિભાગ અને સ્થાનિક તંત્રના પેટનું પાણી હલતું નથી.
ચુડાના સમઢીયાળા નજીક ખનિજ માફિયાઓ દ્વારા કોઈ પણ જાતની મંજૂરી વગર વિશાળ વોશપ્લાન્ટ કાર્યરત કરવામાં આવ્યા છે આ વોશપ્લાન્ટમાં પ્રોસેસ કરી ડમ્પરો મારફતે રેતી સપ્લાય કરવામાં આવે છે. સુરેન્દ્રનગર જિલ્લો ખનિજ ચોરી માટે અગાઉ પણ ચર્ચામાં રહ્યો છે, ત્યારે સમઢીયાળામાં આ રીતે ધમધમતા ગેરકાયદે પ્લાન્ટ્સ સામે ક્યારે કાર્યવાહી કરશે તે એક મોટો સવાલ છે.
