VIDEO: પાટડીના એક કોમ્પલેક્સમાં આગ, પાલિકા પાસે ફાયર સુવિધા જ નહીં
છેલ્લું અપડેટ : 27 Mar 2025
સુરેન્દ્રનગર જિલ્લામાં આવેલા પાટડી શહેરમાં એક કોમ્પલેક્સમાં અચાનક આગ ફાટી નીકળી હતી. જો કે, આગ વિકરાળ બની જતા પાટડી નગરપાલિકાને જાણ કરવામાં આવી હતી. પરંતુ પાટડી નગરપાલિકા પાસે ફાયરની સુવિધાઓ જ ઉપલબ્ધ નહોતી. પાટડી નગરપાલિકાની ઘોર બેદરકારી સામે આવી હતી. ફાયર બ્રિગેડ પાસે સાધનો જ નહોતા. જેથી ધ્રાંગધ્રા અને વિરમગામથી ફાયરની ટીમ બોલાવવાની ફરજ પડી હતી.
પાટડી નગરપાલિકા પાસે ફાયર સુવિધા ન રહેતા આખરે આગ લાગે ત્યારે કૂવો ખોદવા બેસવા જેવો ઘાટ ઘડાયો હતો. કોમ્પલેક્સમાં વિકરાળ આગને લીધે ભારે નાસભાગ મચી જવા પામી હતી. આગને લીધે અને સમયસર ફાયર બ્રિગેડની મદદ ન મળતા ભારે નુકસાન થવા પામ્યું હતું.
