VIDEO: Surat / યુદ્ધના કારણે સુરતના નાના વેપારીઓ પર સંકટ, ગેસની અછતને કારણે ધંધો બંધ કરવાની નોબત આવી
છેલ્લું અપડેટ : 13 Mar 2026
ઈરાન-ઈઝરાયલ વચ્ચે ચાલતા યુદ્ધની અસર હવે સુરતના સ્થાનિક બજારોમાં સ્પષ્ટપણે જોવા મળી રહી છે. ગેસના સપ્લાયમાં આવેલા અવરોધોને કારણે સુરતના નાના વેપારીઓ, ખાસ કરીને લારી-ગલ્લા ચલાવતા શ્રમજીવીઓ પર સંકટના વાદળો ઘેરાયા છે. ગેસના બાટલા ન મળતા હોવાને કારણે અનેક વેપારીઓએ આજે પોતાના ધંધા સમેટવા પડ્યા છે.
સુરતના સિટી લાઈટ વિસ્તારમાં ઈડલી-સંભારનું વેચાણ કરતા એક યુવકે પોતાની લાચારી વ્યક્ત કરતા જણાવ્યું હતું કે, "ગતરોજ અમારા ધંધાનો છેલ્લો દિવસ હતો. આજે ગેસના બાટલા ઉપલબ્ધ ન હોવાથી અમારે ધંધો બંધ રાખવાની ફરજ પડી છે." આ માત્ર એક વેપારીની વાત નથી, પણ રસ્તા પર ખાણી-પીણીનો વ્યવસાય કરતા હજારો નાના વેપારીઓની સ્થિતિ અત્યંત દયનીય બની છે.
બજારમાં ગેસના બાટલાની ભારે અછત જોવા મળી રહી છે. જે વેપારીઓ પાસે થોડો ઘણો સ્ટોક વધ્યો છે, તેઓ બાટલા આડા પાડીને તેમાંથી મહામુસીબતે ગેસનો ઉપયોગ કરી રહ્યા છે.
