Surat news: લાંચ માંગવા મામલે કાર્યપાલક ઈજનેર ACB સમક્ષ હાજર, વચેટીયો હજી પોલીસ પકડથી દૂર

સુરત મનપાના કાર્યપાલક ઈજનેર લાંચ માંગવા મામલે ACB સમક્ષ હાજર થતા તેની ધરપકડ કરવામાં આવી છે. જોકે, ફરિયાદી પાસેથી  ૪ લાખનો હપ્તો સ્વીકારી ફરાર થયેલો વચેટિયો પત્રકાર હજી પણ પોલીસ પકડથી દૂર છે. 

વચેટિયાને પકડવા તજવીજ

સુરત મનપાના કાર્યપાલક ઈજનેર વિપુલ ગણેશવાલાએ ગેરકાયદેસર ડિમોલિશન અટકાવવા બદલ ૨૧ લાખની લાંચ માંગી હતી, જેમાંથી ૧૫ લાખ નક્કી કરાયા હતા. આ મામલે ૮ દિવસથી ફરાર ગણેશવાલા આખરે એસીબી સમક્ષ હાજર થતા તેમની ધરપકડ કરવામાં આવી છે. જોકે, ફરિયાદી પાસેથી ૧૫ લાખ પૈકી ૪ લાખનો હપ્તો સ્વીકારી ફરાર થયેલ વચેટિયો પત્રકાર પરવાના ઉર્ફે મોહમ્મદ ઈસ્માઈલ હજી પણ પોલીસ પકડથી દૂર છે, જેની શોધખોળ હાલ તેજ કરવામાં આવી છે.