VIDEO: સુરતમાં LPG ગેસ સાથે ઇલેક્ટ્રિક સગડીની પણ અછત, વેપારીઓ એડવાન્સ બુકિંગ લેવા મજબૂર

સુરતમાં કોમર્શિયલ અને LPG ગેસની સર્જાયેલી અછતને પગલે હવે રસોડામાં મોટો બદલાવ જોવા મળી રહ્યો છે. નાનપુરા વિસ્તારની બજારોમાં ઇલેક્ટ્રિક સગડી ખરીદવા માટે ગ્રાહકોનો ભારે ધસારો જોવા મળી રહ્યો છે. નાનપુરાની નાનાવટી જેવી દુકાનોમાં દરરોજ 30 થી 35 ગ્રાહકો સિગડીના બુકિંગ માટે આવી રહ્યા છે. પરિસ્થિતિ એવી છે કે હવે બજારમાં ઇલેક્ટ્રિક સગડીની પણ શોર્ટેજ જોવા મળી રહી છે, જેના કારણે વેપારીઓ એડવાન્સ બુકિંગ લેવા મજબૂર બન્યા છે.