VIDEO : હળવદમાં નગરપાલિકાની ગંભીર બેદરકારી, કેનાલમાં ગટરનું ગંદુ પાણી છોડાતા ચકચાર

હળવદ નગરપાલિકાની ગંભીર બેદરકારીને કારણે કેનાલમાં ગટરનું ગંદુ પાણી છોડાતા ચકચાર મચી ગઈ છે. આ દૂષિત પાણીના કારણે કેનાલમાં મોટી સંખ્યામાં માછલીઓના મોત થયા છે અને સર્જાયેલી દુર્ગંધથી સ્થાનિક રહીશોમાં ભારે રોષ જોવા મળી રહ્યો છે. શહેરીજનોને ભય છે કે જો આ પાણી પીવાના સ્ત્રોતમાં ભળશે તો ગંભીર રોગચાળો ફાટી નીકળશે. જાહેર આરોગ્ય સાથે થઈ રહેલા આ ચેડાં બદલ તંત્ર સામે અનેક સવાલો ઉઠી રહ્યા છે. લોકો હવે આ બેદરકારી બદલ જવાબદારો સામે કડક કાર્યવાહી અને તપાસની માંગ કરી રહ્યા છે.