Rajkot: સિવિલ હોસ્પિટલમાં દવા ખરીદી કૌભાંડનો મામલો, સ્ટોર ઇન્ચાર્જની બદલી
છેલ્લું અપડેટ : 26 Sept 2025
સોર્સ : gstv
રાજકોટની સિવિલ હોસ્પિટલમાં દવાની ખરીદીમાં કરોડોના કૌભાંડનો મામલો બહાર આવ્યો છે. તાજેતરમાં આરોગ્ય કમિશનર હર્ષદ પટેલની મુલાકાત દરમિયાન સ્ટોર ઈનચાર્જ જે.કે. નથવાણીએ રૂ. 20 કરોડના બિલો પર સહી કરવાનું કહ્યું. જોકે, બિલોમાં અનિયમિતતા દેખાતાં કમિશનરે મંજૂરી આપવાનો ઇનકાર કર્યો.
સ્ટોર ઇન્ચાર્જ જે.કે. નથવાણીને ફાઈલ લઈને ગાંધીનગર ખાતે બોલાવીને તપાસ કરવામાં આવી, જેમાં ગોટાળો ખુલ્યો. આના પગલે તેમની તાત્કાલિક બદલી કરવામાં આવી.હજુ પણ બે અન્ય કર્મચારીઓ પર તપાસની તલવાર લટકી રહી છે, જેથી વધુ કાર્યવાહીની અપેક્ષા છે.