Video: દીપાવલી પર્વે રાજકોટના જેતપુર ખાતે આધ્યાત્મિક ગુરુ શ્રી શ્રી રવિશંકરજીના સાનિધ્યમાં ભવ્ય મહાલક્ષ્મી હવન

દિવાળીના પાવન પર્વે રાજકોટ જિલ્લાના જેતપુર ખાતે ભક્તિ અને આધ્યાત્મનો અનોખો સંગમ સર્જાયો હતો, જ્યાં આર્ટ ઓફ લિવિંગના પ્રણેતા ગુરુદેવ શ્રી શ્રી રવિશંકરજીના સાનિધ્યમાં ભવ્ય 'મહાલક્ષ્મી હવન અને મહાસત્સંગ' યોજાયો હતો. ધોરાજી રોડ પરના હેલિપેડ ગ્રાઉન્ડ ખાતે યોજાયેલા આ મહોત્સવમાં કેન્દ્રીય મંત્રી મનસુખ માંડવિયા સહિત હજારોની સંખ્યામાં શ્રદ્ધાળુઓ અને નગરજનો ઉમટી પડ્યા હતા. શાસ્ત્રોક્ત વિધિથી સંપન્ન થયેલા આ હવન અને ભક્તિસભર સત્સંગ બાદ ગુરુદેવે સૌને અંતરમાં જ્ઞાનનો દીવો પ્રગટાવવા અને સમાજમાં સ્નેહની મીઠાઈ વહેંચવા પ્રેરણા આપી હતી. મંત્રી મનસુખ માંડવિયાએ પણ પ્રવાસીઓને નવા વર્ષની શુભેચ્છાઓ પાઠવી 'વિકસિત ભારત'ના સંકલ્પને સાકાર કરવા આહ્વાન કર્યું હતું.