Rajkot news: પોલીસ ભરતીમાં નાપાસ થતા હતાશામાં આવેલી યુવતીએ જીવન ટૂંકાવ્યું, પરિવારમાં શોકનો માહોલ

રાજ્યના રાજકોટમાંથી ખાસ અહેવાલ સામે આવ્યા છે. જેમાં રાજકોટમાં સ્પર્ધાત્મક પરીક્ષાના તણાવે વધુ એક જિંદગી છીનવી લીધી છે. PSI અને કોન્સ્ટેબલની ભરતીમાં ગ્રાઉન્ડ ટેસ્ટ દરમિયાન માત્ર દોઢ મિનિટના અંતરે નાપાસ થતા, હતાશામાં આવી અંજુમ પઠાણ નામની યુવતીએ ગળાફાંસો ખાઈ જીવન ટૂંકાવી લીધું છે.અંજુમ પોલીસ બનવાનું સપનું પૂરું કરવા માતા અને બહેન સાથે રાજકોટમાં મામાના ઘરે રહી તનતોડ મહેનત કરતી હતી.

 PGVCLમાં નોકરી પણ કરતી હતી

ક્લાસીસની ફી ભરવા તે PGVCLમાં નોકરી પણ કરતી હતી. જોકે, ગ્રાઉન્ડ પાસ ન થતા તે છેલ્લા ઘણા દિવસથી ડિપ્રેશનમાં હતી. આ કરુણ ઘટના બાદ પરિવારમાં શોકનું મોજું ફરી વળ્યું છે, જ્યારે પોલીસે સમગ્ર મામલે વધુ તપાસ હાથ ધરી છે.