Video: રાજકોટ: કેન્દ્રીય ગૃહમંત્રી અમિત શાહના જન્મદિવસે ધારાસભ્ય ઉદય કાનગડ દ્વારા બાળકો સાથે અનોખી ઉજવણી

રાજકોટમાં કેન્દ્રીય ગૃહમંત્રી અમિત શાહના જન્મદિવસ નિમિત્તે વિધાનસભા ૬૮ વિસ્તારના ધારાસભ્ય ઉદય કાનગડ દ્વારા એક પ્રેરણાદાયી અને અનોખી પહેલ કરવામાં આવી હતી. આ અવસરે શહેર ભાજપ પ્રમુખ ડો. માધવ દવે અને સ્થાનિક આગેવાનોની ઉપસ્થિતિમાં એકરંગ સંસ્થાના મનોદિવ્યાંગ બાળકો સાથે વિશેષ ઉજવણી કરવામાં આવી હતી.....ધારાસભ્ય ઉદય કાનગડ સહિતની સમગ્ર ટીમ દ્વારા આ વિશેષ બાળકોને પ્રેમપૂર્વક ભાવતું ભોજન કરાવવામાં આવ્યું હતું. આ સેવાકીય કાર્ય દરમિયાન મનોદિવ્યાંગ બાળકોએ પણ ઉત્સાહપૂર્વક ભાગ લઈને કેન્દ્રીય ગૃહમંત્રી અમિત શાહના દીર્ઘાયુષ્ય અને ઉત્તમ સ્વાસ્થ્ય માટે હૃદયપૂર્વક મંગલકામનાઓ પાઠવી હતી. નેતાઓની આ સાદગી અને લોકઉપયોગી અભિગમથી સમગ્ર વાતાવરણ સકારાત્મક અને આનંદસભર બની રહ્યું હતું.