Video: રાજકોટ: શાળા-કોલેજોમાં પ્રવેશના પરિપત્ર સામે શક્તિસિંહ ગોહિલનો પ્રહાર, સરકાર પર શિક્ષણ કથળ્યાનો આક્ષેપ

રાજકોટમાં કોંગ્રેસના વરિષ્ઠ નેતા શક્તિસિંહ ગોહિલે શાળા અને કોલેજોમાં પ્રવેશ અંગેના વિવાદાસ્પદ પરિપત્રને લઈને રાજ્ય સરકાર પર આકરા પ્રહાર કર્યા છે. તેમણે જણાવ્યું કે સરકાર આ પ્રકારના નિર્ણયો દ્વારા શૈક્ષણિક સંસ્થાઓમાં તાળાબંધી કરવાનો અને વિદ્યાર્થીઓનો અવાજ દબાવવાનો નિરર્થક પ્રયાસ કરી રહી છે...ગુજરાતમાં સરકારી શાળાઓ અને શિક્ષણની હાલત અત્યંત કફોડી બની ગઈ હોવાનું જણાવતા તેમણે આક્ષેપ કર્યો હતો કે ભાજપના નેતાઓની પોતાની મોટી શાળાઓ અને કોલેજો ચાલી રહી છે. તાજેતરમાં પેપરોમાં થયેલી ઘટ અને પરીક્ષાઓના છબરડા બહાર ન આવે તે માટે જ આવા મનસ્વી પરિપત્રો બહાર પાડવામાં આવી રહ્યા છે, જે વિદ્યાર્થીઓના ભવિષ્ય સાથે ચેડા સમાન છે.