અમદાવાદ પોલીસ કમિશ્નરની ઉચ્ચ અધિકારીઓ સાથે બેઠક, 1481 ગુનેગારોના લિસ્ટ સાથે રાઉન્ડ અપમાં લેવાની તૈયારી

ગુજરાતમાં છેલ્લા ઘણા સમયથી અસામાજીક તત્વોનો રાજ્યભરમાં ભારે આતંક જોવા નળી રહ્યો છે. એવામાં અમદાવાદમાં પોલીસ કમિશ્નરની અધિકારીઓ સાથે આ અંગે બેઠક યોજવામાં આવી હતી જેમાં અમદાવાદ શહેરમાં કાર્યરત આ પ્રકારના અસામાજીક તત્વોની યાદી રજૂ કરવામાં આવી હતી. શહેર પોલીસ કમિશ્નર દ્વારા ક્રાઇમ બ્રાન્ચ પહોંચીને ઉચ્ચ અધિકારીઓ સાથે આ બેઠક કરવામાં આવી હતી. પોલીસ કમિશનર જી.એસ.મલિકે ભૂતકાળમાં આચરેલ ગુનેગારોને મળ્યા હતા અને કાયદામાં રહેવાની ચેતવણી પણ આપી હતી.

આ બેઠકમાં 1481 ગુનેગારોની યાદી બનાવીને રજૂ કરવામાં આવી હતી. જેમાં અનેક આરોપીઓ પાસામાં જઈને આવ્યા છે. અનેક આરોપીઓ તડીપાર જઈ આવ્યા છે. આ મામલે ક્રાઈમ બ્રાન્ચની કામગીરી ખૂબ પ્રસંશનીય છે. પહેલા દર રવિવારે ગુનેગારોને બોલાવવામાં આવતા હતા. છેલ્લા 10-12 વર્ષથી આ કામ બંધ થઈ ગયું છે. પહેલા અલગ અલગ સ્કોર્ડ હતા, ઘરફોડ સ્કોર્ડ અને ચોરીની ઘટના જેવા 353 ગુનેગારોને બોલાવવામાં આવ્યા હતી. આ તમામની પૂછપરછ કરી અસામાજીક પ્રવૃત્તિઓ છોડી દેવાની સૂચના આપવામાં આવી હતી. હવે દર રવિવારે આ કામગીરી કરવામાં આવશે.

કુલ 1481 ગુનેગારોની યાદી તૈયાર કરાઈ

353 આરોપીઓને ક્રાઈમ બ્રાન્ચમાં બોલાવાયા