Video: રાજકોટ પોલીસ હેડક્વાર્ટર ખાતે પોલીસ કમિશનરે કર્યું શસ્ત્રપૂજન

રાજકોટ પોલીસ હેડક્વાર્ટર ખાતે આજે દશેરા પર્વની પરંપરાગત અને ઉત્સાહભેર ઉજવણી કરવામાં આવી હતી, જેમાં પોલીસ કમિશનર બ્રજેશ ઝા અને જેસીપી ચૈતન્ય માંડલિક દ્વારા વરિષ્ઠ પોલીસ અધિકારીઓની ઉપસ્થિતિમાં વિધિવત શસ્ત્રપૂજન સંપન્ન થયું હતું. આ પ્રસંગે પોલીસ કમિશનર બ્રજેશ ઝાએ જણાવ્યું હતું કે નવરાત્રીનો આખો તહેવાર નાગરિકો દ્વારા અત્યંત શાંતિપૂર્ણ અને સુરક્ષિત વાતાવરણમાં ઉજવાયો છે. વધુમાં, આજે સાંજે યોજાનાર રાવણ દહનના કાર્યક્રમનો ઉલ્લેખ કરતા તેમણે પ્રભુને પ્રાર્થના કરી હતી કે સમાજમાંથી તમામ પ્રકારની બુરાઈઓ અને નકારાત્મકતાનું પણ દહન થાય.