40 દિવસ માટે ન્યુઝીલેન્ડમાં રહેશે ટીમ ઈન્ડિયા, જાણો ટેસ્ટ T20 અને ODIના શેડ્યૂલ તેમજ સ્કવોડ સહિતની માહિતી

ભારત-વેસ્ટ ઈન્ડિઝ સિરીઝ પૂર્ણ થઈ ગઈ છે. હવે ટીમ ઈન્ડિયા સામે ન્યુઝીલેન્ડનો પડકાર છે. ભારતનો ન્યુઝીલેન્ડ પ્રવાસ 22 ઓક્ટોબરથી શરૂ થઈ રહ્યો છે અને 1 ડિસેમ્બર સુધી ચાલુ રહેશે. આટલો લાંબો પ્રવાસ ભાગ્યે જ જોવા મળે છે, પરંતુ ભારતીય ખેલાડીઓ 40 દિવસ, એટલે કે લગભગ સવા મહિના માટે ન્યુઝીલેન્ડમાં રહેશે.

ભારતે ODI સિરીઝ માટે બે અલગ-અલગ ટીમોની જાહેરાત કરી છે. શુભમન ગિલ પ્રથમ ત્રણ મેચમાં ટીમનું નેતૃત્વ કરશે, જ્યારે શ્રેયસ અય્યર છેલ્લી બે મેચમાં ટીમનું નેતૃત્વ કરશે. ફેન્સ ભુવનેશ્વર કુમારની વાપસી માટે પણ ઉત્સુક છે, જે લગભગ ચાર વર્ષ પછી ટીમ ઈન્ડિયા માટે પોતાની પહેલી મેચ રમશે. આકિબ નબીને વધુ એક તક આપવામાં આવી છે, જ્યારે ઋતુરાજ ગાયકવાડ ODI ટીમમાં સામેલ છે.

ભારત અને ન્યુઝીલેન્ડ સામસામે આવે તે પહેલા ટેસ્ટ, ODI અને T20નું સંપૂર્ણ શેડ્યૂલ જાણો. ત્રણેય સિરીઝ માટે ટીમ ઈન્ડિયાની સ્કવોડ પર એક નજર નાખો.

સંપૂર્ણ શેડ્યૂલ

ભારત vs ન્યુઝીલેન્ડ T20 શેડ્યૂલ

ભારત અને ન્યુઝીલેન્ડ વચ્ચે T20 સિરીઝ 22 ઓક્ટોબરથી ક્રાઇસ્ટચર્ચમાં શરૂ થશે. આ શ્રેણી 1 નવેમ્બર સુધી ચાલશે, જેમાં કુલ પાંચ મેચ રમાશે.

• 22 ઓક્ટોબર - પહેલી T20 (ક્રાઈસ્ટચર્ચ)
• 24 ઓક્ટોબર - બીજી T20 (ક્રાઈસ્ટચર્ચ)
• 27 ઓક્ટોબર - ત્રીજી T20 (વેલિંગ્ટન)
• 30 ઓક્ટોબર - ચોથી T20 (ઓકલેન્ડ)
• 1 નવેમ્બર - પાંચમી T20 (હેમિલ્ટન)

ભારતની T20I ટીમ: શ્રેયસ અય્યર (કેપ્ટન), વૈભવ સૂર્યવંશી, તિલક વર્મા, અભિષેક શર્મા, સંજુ સેમસન, નમન ધીર, શિવમ દુબે, નીતિશ કુમાર રેડ્ડી, અક્ષર પટેલ, ઈશાન કિશન, અર્શદીપ સિંહ, પ્રિન્સ યાદવ, ભુવનેશ્વર કુમાર, મયંક યાદવ, વરુણ ચક્રવર્તી, કુલદીપ યાદવ.

ન્યુઝીલેન્ડની T20I ટીમ: મિચેલ સેન્ટનર (કેપ્ટન), ફિન એલન, માઈકલ બ્રેસવેલ, ડેરિલ મિચેલ, બેવન જેકબ્સ, નાથન સ્મિથ, જોશ ક્લાર્કસન, ગ્લેન ફિલિપ્સ, ડેવોન કોનવે, ટિમ સાઈફર્ટ, જેકબ ડફી, મેટ હેનરી, લોકી ફર્ગ્યુસન, એડમ મિલને, કાઈલ જેમીસન, બ્લેર ટિકનર.

ભારત vs ન્યુઝીલેન્ડ ODI શેડ્યૂલ

ભારત અને ન્યુઝીલેન્ડ વચ્ચેની ODI સિરીઝ 4 નવેમ્બરથી શરૂ થશે અને 15 નવેમ્બર સુધી ચાલશે.

• 4 નવેમ્બર - પહેલી ODI (ઓકલેન્ડ)
• 7 નવેમ્બર - બીજી ODI (વેલિંગ્ટન)
• 10 નવેમ્બર - ત્રીજી ODI (હેમિલ્ટન)
• 13 નવેમ્બર - ચોથી ODI (માઉન્ટ મૌંગાનુઈ)
• 15 નવેમ્બર - પાંચમી ODI (માઉન્ટ મૌંગાનુઈ)

ભારતની ODI ટીમ (પ્રથમ 3 મેચ): શુભમન ગિલ (કેપ્ટન), રોહિત શર્મા, વિરાટ કોહલી, શ્રેયસ અય્યર, ઋતુરાજ ગાયકવાડ, નમન ધીર, નીતિશ કુમાર રેડ્ડી, અક્ષર પટેલ, અંશુલ કંબોજ, કેએલ રાહુલ, ઈશાન કિશન, મોહમ્મદ સિરાજ, કુલદીપ યાદવ, અર્શદીપ સિંહ, ગુરનુર બરાર, પ્રસિદ્ધ કૃષ્ણા.

ન્યુઝીલેન્ડની ODI ટીમ (પ્રથમ 3 મેચ): મિચેલ સેન્ટનર (કેપ્ટન), માર્ક ચેપમેન, વિલ યંગ, ડેરિલ મિચેહલ, રચિન રવિન્દ્ર, નાથન સ્મિથ, માઈકલ બ્રેસવેલ, ડેવોન કોનવે, ટોમ લેથમ, ગ્લેન ફિલિપ્સ, જેકબ ડફી, મેટ હેનરી, કાઈલ જેમીસન, બ્લેર ટિકનર.

ભારત vs ન્યુઝીલેન્ડ ટેસ્ટ શેડ્યૂલ

ભારત અને ન્યુઝીલેન્ડ વચ્ચે બે ટેસ્ટ મેચ રમાશે. આ સિરીઝ 19મી નવેમ્બરથી શરૂ થશે.

• નવેમ્બર 19 - નવેમ્બર 23 - પ્રથમ ટેસ્ટ (વેલિંગ્ટન)
• નવેમ્બર 27- ડિસેમ્બર 1 - બીજી ટેસ્ટ (ક્રાઈસ્ટચર્ચ)

ભારતની ટેસ્ટ ટીમઃ શુભમન ગિલ (કેપ્ટન), યશસ્વી જયસ્વાલ, દેવદત્ત પડિક્કલ, સાઈ સુદર્શન, રવિન્દ્ર જાડેજા, નીતિશ કુમાર રેડ્ડી, અંશુલ કંબોજ, વોશિંગ્ટન સુંદર, કેએલ રાહુલ, રિષભ પંત, ધ્રુવ જુરેલ, જસપ્રિત બુમરાહ, મોહમ્મદ સિરાજ, પ્રસિદ્ધ કૃષ્ણા, કુલદીપ યાદવ.