IND vs WI / વરસાદને કારણે રદ્દ થઈ નિર્ણાયક મેચ, 2-2થી ડ્રો રહી T20 સિરીઝ

ભારત અને વેસ્ટ ઈન્ડિઝ વચ્ચે પાંચ મેચની T20I સિરીઝની અંતિમ મેચ 17 ઓક્ટોબરના રોજ બેંગલુરુના મેદાન પર રમાઈ હતી. અત્યાર સુધી રમાયેલી ચાર મેચમાં બંને ટીમો સમાન રીતે પ્રભુત્વ ધરાવતી હતી. ભારતે બે મેચ જીતી હતી, જ્યારે વેસ્ટ ઈન્ડિઝે પણ બે જીત મેળવી હતી. બંને ટીમો પાંચમી મેચ પર નજર રાખી રહી હતી, પરંતુ વરસાદને કારણે મેચ રદ્દ કરવામાં આવી હતી. જેથી સિરીઝ 2-2થી ડ્રો રહી હતી.

ઈશાન કિશને પોતાની વિસ્ફોટક બેટિંગથી ધમાલ મચાવી

અભિષેક શર્માના આઉટ થયા પછી ઈશાન કિશને કમાન સંભાળી અને મેદાન પર પહોંચતાની સાથે જ આક્રમક બેટિંગ શરૂ કરી. તેણે કેરેબિયન બોલર્સને દબાણ બનાવવાની તક ન આપી, માત્ર 10 બોલમાં 30 રન બનાવ્યા. ઈશાને મેદાનની આસપાસ પ્રભાવશાળી શોટ ફટકાર્યા, 300ના સ્ટ્રાઇક રેટથી સ્કોર કર્યો. તેની વિસ્ફોટક બેટિંગથી ભારતીય ટીમ ઝડપથી રન બનાવવામાં મદદ મળી, જેનાથી વેસ્ટ ઈન્ડિઝના બોલર્સ પર દબાણ વધ્યું.

ભારતે પહેલા બેટિંગ કરતા 118 રન બનાવ્યા

વરસાદને કારણે મેચ 9 ઓવર સુધી ઘટાડી દેવામાં આવી હતી. પ્રથમ બેટિંગ કરતા, ભારત 7.4 ઓવરમાં ફક્ત 118 રન જ બનાવી શક્યું. ત્યારબાદ વરસાદ પાછો ફર્યો, જેના કારણે મેચ રદ્દ કરવાનો નિર્ણય લેવામાં આવ્યો.

ભારત માટે ઇશાન કિશન ઉપરાંત, સંજુ સેમસને 7 બોલમાં 16 રન બનાવ્યા, જ્યારે શ્રેયસ અય્યરે 14 બોલમાં 22 રન બનાવ્યા. આ સિવાય નમન ધીરે 6 બોલમાં 24 રન બનાવ્યા. તેણે 3 છગ્ગા અને 1 ચોગ્ગો ફટકાર્યો, અને 400ના સ્ટ્રાઇક રેટથી બેટિંગ કરી. જોકે, તે પછી મેચ રદ્દ કરવામાં આવી.

આવી રહી સિરીઝ

ભારતે પહેલી મેચમાં વેસ્ટ ઈન્ડિઝને 8 વિકેટથી હરાવ્યું. ત્યારબાદ વેસ્ટ ઈન્ડિઝે બીજી મેચમાં 250 રનનો ટાર્ગેટ ચેઝ કરીને 6 વિકેટથી મેચ જીતી લીધી.

આ પછી ભારતે ત્રીજી T20 મેચ 14 રનથી જીતી. ચોથી T20 મેચમાં, વેસ્ટ ઈન્ડિઝે 247 રનડિફેન્ડ કર્યા અને 24 રનથી જીત મેળવી. ત્યારબાદ વરસાદના કારણે પાંચમી મેચ રદ્દ થઈ ગઈ. આ સિરીઝની ચારેય મેચમાં બેટ્સમેનોનો દબદબો રહ્યો હતો.