IPL 2027 / CSK નહીં પરંતુ આ ટીમમાં સામેલ થશે હાર્દિક પંડ્યા, સામે આવ્યું નવું અપડેટ

IPL 2027 મિની ઓક્શનની તારીખની જાહેરાત બાદ ખેલાડીઓ અંગે ચર્ચાઓ તેજ થઈ ગઈ છે. IPL 2027 મિની ઓક્શન 16 ડિસેમ્બરે ગોવામાં યોજાશે અને ટીમોએ તેમની તૈયારીઓ શરૂ કરી દીધી છે.

મિની ઓક્શન પહેલા બધી ટીમોએ IPL ગવર્નિંગ કાઉન્સિલને રિટેન કરેલા અને રિલીઝ કરેલા ખેલાડીઓની યાદી સબમિટ કરવાની રહેશે. રિટેન નિયમો અંગેની ચર્ચા વચ્ચે સ્ટાર ભારતીય ઓલરાઉન્ડર હાર્દિક પંડ્યા અંગે એક મોટું અપડેટ સામે આવ્યું છે.

ભૂતપૂર્વ ભારતીય ઓફ-સ્પિનર ​​રવિચંદ્રન અશ્વિને એક મોટો દાવો કર્યો છે, જેમાં સ્પષ્ટ કર્યું છે કે હાર્દિક પંડ્યા ચેન્નાઈ સુપર કિંગ્સ (CSK) માં જોડાય તેવી શક્યતા ઓછી છે. તેનાથી વિપરીત, અશ્વિન માને છે કે રાજસ્થાન રોયલ્સ (RR) સ્ટાર ખેલાડીને સાઈન કરવાની રેસમાં આગળ છે.

પોતાની યુટ્યુબ ચેનલ પર બોલતા અશ્વિને એવી અટકળોનો અંત લાવ્યો કે એમએસ ધોની વ્યક્તિગત રીતે હાર્દિક પંડ્યાને CSKમાં જોડાવા માટે મનાવી શકે છે. અશ્વિને આને એક દૂરની વાર્તા કહી.

આ પાછળનું એક મુખ્ય કારણ સપ્ટેમ્બર 2026માં ચેન્નાઈ સુપર કિંગ્સના નવા હેડ કોચ તરીકે ઝહીર ખાનની નિમણૂક હોવાનું માનવામાં આવે છે. ઝહીરના મુંબઈ ઇન્ડિયન્સ સાથેના પાછલા કાર્યકાળ દરમિયાન તેના અને હાર્દિક પંડ્યા વચ્ચે અણબનાવના અહેવાલો પણ ફરતા થયા છે.

મુંબઈ માટે ખૂબ જ ખરાબ સિઝન

બીજી બાજુ, મુંબઈ ઈન્ડિયન્સની IPL 2026ની સિઝન ખૂબ જ ખરાબ રહી હતી. ટીમ 14માંથી ફક્ત ચાર મેચ જીતી અને પોઈન્ટ ટેબલમાં નવમા સ્થાને રહી. હાર્દિક પંડ્યા પોતે પણ કંઈ ખાસ નહતો કરી શક્યો, તેણે 10 મેચમાં 138.25ના સ્ટ્રાઇક રેટથી માત્ર 206 રન બનાવ્યા અને ચાર વિકેટ લીધી.

અશ્વિનના મતે, જો હાર્દિક પંડ્યાનો ટ્રેડ થાય છે, તો રાજસ્થાન રોયલ્સ રેસમાં સૌથી આગળ છે. કોલકાતા નાઈટ રાઇડર્સ (KKR) જે અજિંક્ય રહાણેની નિવૃત્તિ પછી નવા કેપ્ટનની શોધમાં છે અને લખનૌ સુપર કિંગ્સ (LSG) પણ ટ્રેડની રેસમાં સામેલ છે, જોકે બંને ફ્રેન્ચાઈઇઝી દ્વારા કોઈ સત્તાવાર ઓફરની પુષ્ટિ નથી કરવામાં આવી.

IPL 2027 માટે રીટેન્શન લિસ્ટ સબમિટ કરવાની અંતિમ તારીખ 15 નવેમ્બર, 2026 છે અને ઓક્શન ડિસેમ્બર 2026 માટે સુનિશ્ચિત થયેલ છે. તેથી, આગામી અઠવાડિયામાં હાર્દિક પંડ્યા તેના IPL કારકિર્દીમાં આગળનું પગલું શું લે છે તે જાહેર થશે.