Patan news: 5.78 લાખની નકલી ચલણી નોટ સાથે એક શખ્સ પકડાયો, કાત્યોકના મેળામાં ચલણમાં આવતા પોલીસ થઈ હતી એલર્ટ

કાત્યોકના મેળામાં નકલી ચલણી નોટો ફરતી થતા પાટણ એલસીબીએ સિદ્ધપુરથી નકલી ચલણી નોટના નેટવર્કનો પર્દાફાશ કર્યો છે. 5.78 લાખની નકલી ચલણી નોટ સાથે પોલીસે એક આરોપીને પકડી પાડ્યો છે. આ અંગે પોલીસે વધુ તપાસ આદરી છે. 

નોટો છાપવા માટેની સામગ્રી પણ જપ્ત

પાટણ એલસીબીએ સિદ્ધપુરથી નકલી ચલણી નોટના નેટવર્કનો પર્દાફાશ કર્યો છે. LCB એ 5 લાખ 78 હજારથી વધુની કિંમતની નકલી ચલણી નોટ જપ્ત કરી છે, જેમાં 500, 100 અને 20 રૂપિયાના દરની નકલી નોટનો સમાવેશ થાય છે. આ સાથે એક આરોપીને પણ ઝડપાયો છે. ટીમે નકલી નોટો છાપવા માટે પાવડર, કાગળ, પ્રિન્ટર, સ્કેનર, સહિતનો મુદ્દામાલ પણ કબ્જે કર્યો છે. કાત્યોકના મેળામાં નકલી ચલણી નોટો ફરતી થતા લોકલ ક્રાઈમ બ્રાન્ચે વોચ ગોઠવી હતી.