Video: વડોદરામાં ભારતીય વાયુસેનાની સારંગ ટીમનો એર શો, પાંચ હેલિકોપ્ટરના દિલધડક કરતબ

વડોદરાના આકાશમાં ભારતીય વાયુસેનાની વિશ્વવિખ્યાત 'સારંગ' હેલિકોપ્ટર ડિસ્પ્લે ટીમ દ્વારા અદભુત અને હેરતઅંગેઝ હવાઈ કરતબો રજૂ કરવામાં આવ્યા હતા. વિશ્વમાં એકમાત્ર પાંચ હેલિકોપ્ટરની આ વિશેષ ટીમે આકાશમાં વિવિધ આકર્ષક રચનાઓ અને દિલધડક પ્રદર્શન કરીને ઉપસ્થિત સૌ કોઈને મંત્રમુગ્ધ કરી દીધા હતા. દેશની શાન સમા આ રોમાંચક એર-શોને નિહાળવા માટે એરપોર્ટ સંકુલ નજીક મોટી સંખ્યામાં નાગરિકો ઉમટી પડ્યા હતા. હેલિકોપ્ટરના અદભુત તાલમેલ અને પાયલટોની અસાધારણ કુશળતા જોઈને લોકો આશ્ચર્યચકિત થઈ ગયા હતા. આકાશમાં એકસાથે ઉડતા પાંચ હેલિકોપ્ટરના આ શાનદાર પ્રદર્શને ભારતીય વાયુસેનાની શક્તિ, સાહસ અને કૌશલ્યની ઝલક રજૂ કરી હતી, જે વડોદરાવાસીઓ માટે એક યાદગાર ક્ષણ બની રહી હતી.