Morbi news: પાણી ભરેલા ખાડામાં ડૂબી જવાથી ત્રણ બાળકોના મોત, શ્રમિક પરિવારનું હૈયાફાટ રુદન

મોરબીના પાનેલી પાસે એક કરુણાંતિકા સર્જાઈ છે, જેમાં રમતી વખતે ત્રણ બાળકો પાણી ભરેલા ખાડામાં ડૂબી જતા તેમનું મોત નીપજ્યું છે. ત્રણેય બાળકોના મોતથી પરપ્રાંતીય શ્રમિક પરિવારના માથે આભ ફાટ્યું છે. પોલીસ બાળકોના મૃતદેહ પીએમ અર્થે મોકલી વધુ તપાસ હાથ ધરી છે. 

પ્રાપ્ત માહિતી મુજબ મોરબીના પાનેલી પાસે પાણીના ખાડામાં ડૂબી જતાં ત્રણ બાળકોના મોત નીપજ્યા છે. પાણીના ખાડા પાસે રમતી વખતે બે બાળકી પ્રતિકા (ઉ.વ 5), ખુશ્બુ (ઉ.વ 4) અને એક બાળક કુલદીપ (ઉ.વ 6) નું કમકમાટીભર્યું મોત નીપજ્યું છે. પોલીસ બાળકોના મૃતદેહ પીએમ અર્થે મોકલી વધુ તપાસ હાથ ધરી છે. ખાણમાં કામ કરતા પરપ્રાંતીય શ્રમિક પરિવારના બાળકોના મોતથી સમગ્ર પંથકમાં અરેરાટી વ્યાપી ગઈ છે.