VIDEO : હળવદમાં પુસ્તક વગર અભ્યાસ કરવા વિદ્યાર્થીઓ બન્યા મજબૂર
છેલ્લું અપડેટ : 16 Jun 2026
સોર્સ : GSTV
હળવદમાં સરકારી શિક્ષણ વ્યવસ્થાની કથળતી સ્થિતિનો ચોંકાવનારો અહેવાલ સામે આવ્યો છે, જ્યાં 38 ગ્રાન્ટેડ અને નોન ગ્રાન્ટેડ શાળાઓના અંદાજે 4 હજાર 400 વિદ્યાર્થીઓ પાઠ્યપુસ્તકો વિના અભ્યાસ કરવા મજબૂર બન્યા છે. હળવદની મોડેલ સ્કૂલમાં તો છેલ્લા 10 વર્ષથી ધોરણ 6 થી 8 માં શિક્ષકોનો પણ અભાવ હોવાનું સામે આવ્યું છે. એક તરફ સરકાર દ્વારા શાળા પ્રવેશોત્સવના મોટા દાવા કરવામાં આવે છે, ત્યારે બીજી તરફ ધોરણ 9 થી 12 ના હજારો વિદ્યાર્થીઓ પાસે પુસ્તકો ન હોવાથી તેમનું ભવિષ્ય જોખમમાં મુકાયું છે. શિક્ષણ વિભાગની આ ગંભીર બેદરકારીને પગલે વાલીઓ અને શિક્ષકોમાં ભારે રોષ અને ચિંતા જોવા મળી રહી છે.
