Morbi: યુનિટી માર્ચના કાર્યક્રમમાં સ્કૂલના બાળકોને ઘેટાં-બકરાંની જેમ લઈ જવાયા
છેલ્લું અપડેટ : 20 Nov 2025
સોર્સ : GSTV
મોરબીમાં યુનિટી માર્ચ કાર્યક્રમ વિવાદમાં આવ્યો છે. આ કાર્યક્રમમાં ભાગ લેવા માટે શાળાના બાળકોને અભ્યાસ છોડાવીને લાવવામાં આવ્યા હતા અને તેમને લઈ જવાની તથા મૂકવાની વ્યવસ્થાને લઈને ગંભીર આક્ષેપો થયા છે. યુનિટી માર્ચના આયોજનમાં ખાનગી શાળાઓમાં અભ્યાસ કરતા મોટી સંખ્યામાં બાળકોને જોડી દેવામાં આવ્યા હતા.
બાળકોને અભ્યાસ છોડાવીને કાર્યક્રમમાં બોલાવવામાં આવ્યા હતા અને તેમને લઈ જવાની વ્યવસ્થા એટલી અવ્યવસ્થિત હતી કે બાળકોને ઘેટાં-બકરાંની જેમ લઈ ગયા હતા અને એવી રીતે જ મૂકી ગયા હતા. નવા બસ સ્ટેશન પાસેથી શરૂ કરી અને મહાનગરપાલિકા પાસે આ કાર્યક્રમનું સમાપન કરવામાં આવ્યું હતું. આ કાર્યક્રમમાં રાજ્યના મંત્રી, કાંતિલાલ અમૃતિયા, ઇન્ચાર્જ કલેકટર, ધારાસભ્ય દુર્લભજી દેથરીયા, મોરબી જિલ્લા પંચાયત પ્રમુખ સહિતના નેતાઓ હાજર રહ્યા હતા.
