હળવદ: ST બસને નડ્યો અકસ્માત, 10થી વધુ લોકો થયા ઈજાગ્રસ્ત

રાજ્યના હળવદ હાઈવે પર ST બસને અકસ્માત નડ્યો હતો.  હળવદના પ્રતાપગઢના પાટિયા પાસે મોડીરાત્રે બંધ સ્થિતિમાં પાર્ક કરાયેલા ટેન્કર સાથે ST બસ ધડાકાભેર અથડાતા અકસ્માત સર્જાયો હતો. આ અકસ્માતમાં 10થી વધુ લોકો ઈજાગ્રસ્ત થયા હતા. આણંદથી મુન્દ્રા તરફ જતી ST બસને અકસ્માત નડ્યો હતો.

ઈજાગ્રસ્તોને સારવાર માટે હળવદની સરકારી હોસ્પિટલમાં ખસેડવામાં આવ્યા

ઈજાગ્રસ્તોને સારવાર માટે હળવદની સરકારી હોસ્પિટલમાં ખસેડવામાં આવ્યા હતા. પોલીસે અકસ્માતે ગુનો નોંધીને આગળની કાર્યવાહી હાથ ધરી હતી.