Morbi: જાહેરમાં ફાયરિંગ કરી VIDEO બનાવવું પડ્યું ભારે, પોલીસે કરી ધરપકડ

મોરબીમાં સ્વતંત્રતા દિવસની ઉજવણી દરમિયાન જાહેરમાં ફાયરિંગ કરી વીડીયો સોશિયલ મીડિયામાં અપલોડ કરનાર રણવિજયકુમાર કાંતિલાલ શાહ (આરોપી)ની પોલીસે ધરપકડ કરી છે. 15 ઓગસ્ટે શાહે લાયસન્સવાળી પિસ્તોલથી ફાયરિંગ કરી વીડીયો બનાવી ઓનલાઇન શેર કર્યો હતો, જેની માહિતી મળતાં મોરબી SOGએ કાર્યવાહી હાથ ધરી.

પોલીસે શાહ પાસેથી એક પિસ્તોલ, 6 કારતૂસ, મોબાઈલ અને 75 હજારનો મુદ્દામાલ જપ્ત કર્યો છે. આ કેસમાં મોરબી તાલુકા પોલીસ મથકે આર્મ્સ એક્ટ હેઠળ ફરિયાદ નોંધાઈ છે. જાહેર સ્થળે ફાયરિંગ કરવું ગેરકાયદેસર છે, જેના કારણે આ કાર્યવાહી થઈ છે. તપાસ ચાલુ છે.