Video: મહેસાણામાં એક લાખની લાંચ લેતા સરપંચ-તલાટી ઝડપાયા

મહેસાણાના ગમનપુરા ગ્રામ પંચાયતમાં એસીબી દ્વારા યોજાયેલી સફળ ટ્રેપમાં લાંચિયા સરપંચ અને તલાટી કમ મંત્રી રંગેહાથ ઝડપાઈ ગયા છે, જ્યાં જમીન પર બાંધકામની પરવાનગી આપવાના બદલામાં કુલ એક લાખ રૂપિયાની લાંચ માંગવામાં આવી હતી. આ મામલે ગમનપુરાના સરપંચ મણીબેન ઠાકોરે ૮૦ હજાર રૂપિયા અને તલાટી કમ મંત્રી દિપ્તીબેન પટેલે ૨૦ હજાર રૂપિયાની લાંચ માંગી હતી, પરંતુ ફરિયાદી લાંચ આપવા ન માંગતા હોવાથી તેમણે એસીબીનો સંપર્ક કર્યો હતો. ફરિયાદીની અરજીના આધારે એસીબીએ ગોઠવેલા લાંચના છટકામાં તલાટી અને સરપંચ બંને લાંચની રકમ લેતા આબાદ ઝડપાઈ ગયા હતા અને એસીબીએ સ્થળ પરથી જ પૂરેપૂરી એક લાખ રૂપિયાની લાંચની રકમ રિકવર કરી કાયદેસરની ધાકડ કાર્યવાહી હાથ ધરી છે.