VIDEO : મહેસાણાના રામોસણામાં સામાજિક પ્રસંગમાં બે જૂથો વચ્ચે લોહિયાળ ધીંગાણું, ભુવા સહિત 27 સામે ગુનો દાખલ
છેલ્લું અપડેટ : 05 Jun 2026
સોર્સ : gstv
મહેસાણાના રામોસણામાં આવેલા મેલડી માતાના મંદિર ખાતે આયોજિત જિયારાના સામાજિક પ્રસંગમાં બાળકો વચ્ચે થયેલી બોલાચાલીએ લોહિયાળ સ્વરૂપ ધારણ કર્યું હતું. મંદિરના ભુવા ડાહ્યા પટેલના આ પ્રસંગ દરમિયાન બે જૂથો વચ્ચે ઉગ્ર મારામારી થઈ હતી. જેમાં હોલમાં ઘૂસીને મહેમાનોને પણ માર મારવામાં આવ્યો હતો. આ હિંસક અથડામણ બાદ બંને પક્ષોએ એકબીજા વિરુદ્ધ મહેસાણા તાલુકા પોલીસ મથકે ફરિયાદ નોંધાવી છે. જેમાં ભુવા ડાહ્યા પટેલ સહિત કુલ 27 વ્યક્તિઓ સામે ગુનો દાખલ કરી પોલીસે કાયદેસરની કાર્યવાહી હાથ ધરી છે.
