VIDEO: સુરેન્દ્રનગરમાં મેઘતાંડવ, 10 તાલુકામાં ધોધમાર વરસાદ

સુરેન્દ્રનગર જિલ્લાના તમામ 10 તાલુકાઓમાં સાર્વત્રિક વરસાદ નોંધાયો છે. સૌથી વધુ લીંબડી અને સાયલામાં પાંચ ઇંચ, જ્યારે લખતર, ચોટીલા અને ચુડામાં 4 ઇંચ સુધી વરસાદ વરસતા જળાશયોમાં નવા નીરની આવક શરૂ થઈ છે. મૂળી, વઢવાણ, થાનગઢ, ધાંગધ્રા અને દસાડામાં પણ ૨ ઇંચથી વધુ વરસાદ નોંધાયો છે.વરસાદથી ખેડૂતોમાં આનંદ છવાયો છે અને વાવેતરને જીવંતદાન મળ્યું છે. જોકે, આ મેઘમહેરે નગરપાલિકાની પ્રિ-મોન્સૂન કામગીરીની પોલ ખોલી નાખી છે; અનેક વિસ્તારો અને સોસાયટીઓમાં પાણી ભરાતા લોકો મુશ્કેલીમાં મુકાયા છે.