VIDEO : અમદાવાદમાં 1.19 કરોડનો દારૂ ઝડપાયો, ઓઢવ રિંગ રોડ વિસ્તારમાં મોટી કાર્યવાહી

અમદાવાદમાં પીસીબીની ટીમે ઓઢવ રિંગ રોડ વિસ્તારમાં મોટી કાર્યવાહી હાથ ધરી છે. દરોડા દરમિયાન 1 કરોડ 19 લાખ રૂપિયાની કિંમતની 22 હજાર 668 દારૂની બોટલો કબ્જે કરવામાં આવી છે. પોલીસ દ્વારા કુલ 1 કરોડ 34 લાખ રૂપિયાનો મુદ્દામાલ જપ્ત કરવામાં આવ્યો હોવાનું જાણવા મળ્યું છે. કાર્યવાહી દરમિયાન હનુમાન ચૌધરી નામના એક આરોપીની ધરપકડ કરવામાં આવી છે. જ્યારે આ સમગ્ર કૌભાંડમાં સંડોવાયેલા અન્ય ત્રણ આરોપીઓને વોન્ટેડ જાહેર કરવામાં આવ્યા છે. પીસીબી દ્વારા આરોપીઓના નેટવર્ક અને દારૂના જથ્થાના સ્ત્રોત અંગે વધુ તપાસ હાથ ધરવામાં આવી છે. આ કાર્યવાહીથી બૂટલેગરોમાં ફફડાટ ફેલાયો છે.