Junagadh news: પોલીસ ભરતીમાં નિષ્ફળતા મળતા યુવતીનો આપઘાત, બે માર્ક્સે નાપાસ થતા ભર્યું અંતિમ પગલું

જૂનાગઢ તાલુકાના વધાવી ગામે પોલીસ ભરતીમાં નિષ્ફળતા મળતા યુવતીએ ગળેફાંસો ખાઈ જીવન ટૂંકાવ્યું છે. પોલીસ ભરતીમાં માત્ર એકથી બે માર્ક માટે નાપાસ થતા યુવતીને મનમાં લાગી આવતા આ અંતિમ પગલું ભર્યું હોવાનું સામે આવ્યું છે. 

પોલીસે વધુ તપાસ હાથ ધરી

જૂનાગઢમાં આપઘાતના બનાવો દિન-પ્રતિદિન વધી રહ્યા છે, ત્યારે જૂનાગઢ તાલુકાના વધાવીમાં ૨૧ વર્ષીય યુવતી પૂનમબેન મારખીભાઈ મારડીયાએ આપઘાત કરી લેતા ચકચાર મચી છે. પોલીસ ભરતીમાં નાપાસ થતા યુવતીએ અંતિમ પગલું ભર્યું હોવાનું જાણવા મળી રહ્યું છે. એક થી બે માર્કે નાપાસ થતા લાગી આવતા યુવતીએ ગળે ફાંસો ખાધો હતો. આ અંગે જૂનાગઢ તાલુકા પોલીસે વધુ તપાસ હાથ ધરી પરિવારજનોના નિવેદન લેવાની તજવીજ હાથ ધરી છે.