VIDEO: માળીયાહાટીનામાં સતત ત્રીજા દિવસે તોફાની વરસાદ ત્રણ દિવસમાં ૧૨ ઇંચથી વધુ ખાબક્યો
છેલ્લું અપડેટ : 03 Jul 2026
સોર્સ : GSTV
જૂનાગઢ જિલ્લાના માળીયાહાટીના તાલુકામાં મેઘરાજા જાણે અટકવાનું નામ નથી લઈ રહ્યા. આજે સતત ત્રીજા દિવસે પણ સવારથી જ વરસાદની ધમાકેદાર શરૂઆત થઈ ચૂકી છે. માળીયાહાટીના પંથકમાં છેલ્લા ત્રણ દિવસથી મેઘરાજા તોફાની બેટિંગ કરી રહ્યા છે, જેને કારણે સમગ્ર તાલુકામાં અત્યાર સુધીમાં અંદાજે ૧૦ થી ૧૨ ઇંચ જેટલો ભારે વરસાદ ખાબકી ગયો છે. સતત પડી રહેલા આ મુશળધાર વરસાદને કારણે સ્થાનિક જનજીવન સંપૂર્ણપણે ખોરવાઈ ગયું છે. ભારે વરસાદ અને પાણી ભરાવાના કારણે બજારો સુમસામ ભાસી રહી છે અને આસપાસના ગામડાઓમાંથી લોકો ખરીદી કે અન્ય કામકાજ માટે બજારમાં આવી શકતા નથી. ચારેય તરફ પાણી જ પાણી જોવા મળી રહ્યું છે અને લોકો ઘરોમાં કેદ થવા મજબૂર બન્યા છે. તાલુકામાં હજી પણ વરસાદી માહોલ યથાવત છે.
