VIDEO: જામનગરના વાતાવરણમાં અચાનક જોવા મળ્યો પલટો, નાગરિકોને ગરમીમાંથી મળી આંશિક રાહત
છેલ્લું અપડેટ : 01 Jun 2026
સોર્સ : gstv
જામનગરમાં આજે વાતાવરણમાં અચાનક પલટો જોવા મળ્યો છે. શહેરમાં એકાએક વાદળછાયું વાતાવરણ છવાઈ જતાં લોકોમાં કુતૂહલ સર્જાયું હતું. પવનની ગતિ અને દિશા બદલાવાને કારણે વાતાવરણમાં આ ફેરફાર નોંધાયો છે. છેલ્લા કેટલાક દિવસોથી પડી રહેલી કાળઝાળ ગરમી અને અસહ્ય બફારા વચ્ચે પવનની લહેરખીઓ શરૂ થતાં નાગરિકોને ગરમીમાંથી આંશિક રાહત મળી છે. આ અણધાર્યા ફેરફારને કારણે તાપમાનમાં પણ થોડો ઘટાડો થયો છે, જેનાથી જામનગરવાસીઓએ હાશકારો અનુભવ્યો છે.
